பொறுமை இழந்து பொங்கி எழுந்த தீ!
மாணவர்களின் போராட்டத் தீ !
யாராலும் பற்றிப் பரவியதல்ல.
தானாகே பற்றிக்கொண்ட
உணர்வுத் தீ அது !
.
உணர்ச்சியின் உரசல்கள் பீச்சிய
தீப்பொறி களால் பற்றிய தீ அது.
பற்றவைக்கப்பட்டதல்ல
பற்றிக்கொண்ட தீ அது !.
காட்டுத் தீயுங்கட்டுப்படும்.
காற்றுத் தீ யாருக்குக் கட்டுப்படும்!
இரத்தங் கொதித்த வெப்பக்காற்றால்
விளைந்த தீ அது !..
யாராலும் அணைக்க இயலாத தீ !
எவராலும் அடக்கவும் முடியாத தீ !
பொறுமையிழந்து பொங்கியெழுந்த தீ !
வறுமைக்கும் வாடாத வளருந் தீ !
பரவட்டும் தீ !
வெப்பம் வெந்து கொலைகாரன்
ஒப்புக்கொள்ளும்வரை
பரவட்டும் தீ !
ஒப்புக்குச்சப்பான அமெரிகாத்தீர்மானம்
திருத்தப்ப்படும்வரை பரவட்டும் தீ !
No comments:
Post a Comment